Close

Higpit nga screening sa police recruitment gipaburan ni Col. Lagradante

Sponsor ads


GENERAL SANTOS CITY- MAS gipaburan ni City PNP Director Police Col. Aden Lagradante ang mas higpit nga nga pagsala sa mga aplikante sa pagkapulis aron maka-recruit ug mas abtik ug mas maalam nga mga pulis.

Sa dihang gipangutana sa media si Lagradante kalabot sa bag-ong direktiba sa kapulisan nga dapat makuha ang saktong body mass index sumala niini nga mas maayo kini sa mga pulis kay unsaon man sa paggukod sa kawatan kung bug-at ang lawas labaw na sa mga na-assign sa patrol.

Gidugang niini nga mas maayo usab nga higpitan pa ang screening sa mga bag-ong aplikante ug dili nga sa may kaila lang aron nga makapili gayod ang PNP ug mas abtik ug maalam nga mga personahi.

Labaw sa tanan ang may values sa pagkamatinud-anon kay daghan ang tentasyon sa trabaho sa mga pulis bisan gani daw ang Pangulo nadugayan sa pagpili sa mahimong labaw sa PNP kay ginapili ang pinaka-honest sa mga opisyal sa kapulisan.