Close

Hepe sa presinto di ilahugay- City PNP Director

Sponsor ads


GENERAL SANTOS CITY- LUYO sa serye sa gituohang insidente sa ‘salvage’ ug pagpamusil sa GenSan, walay mahitabong paglahugay sa pwesto sa mga hepe sa presinto sa General Santos City Police Office kun GSCPO.

Kini ang gibutyag ni Police Col. Aden Lagradante, city director sa GSCPO tungod nagatuo siya nga nagtrabaho ang iyang mga hepe hinungdan nga wala pa kini nagplano sa paglahugay.

Apan giangkon sa opisyal nga nakalabay nga bulan, gi-swap niya ang hepe sa Lagao Police Station ug admin section sa GSCPO.

Si Major Joel Martinez nga gikan sa admin ang mihulip kang Major Benhur Catcatan, isip labaw sa presinto si Catcatan usab ang mihulip kang Martinez sa admin.

Kahinumduman nga nakalabay’ng tuig, sunod- sunod nga tawo ang gikaingong biktima sa ‘salvage’ ang napalgang sa kasigbit nga dapit.
Gikaingong gidagit sa GenSan ang maong mga tawo ug napalgang puno og samad dinunggaban, naka ducktape, nakagapos ang kamot ug gibinlin og karatula nga ‘karnaper’ ug ‘kawatan’ ako.

Luyo niini, gipasalig ni Lagradante nga gipailawom na nila ang imbestigasyon kalabut sa maong mga insidente.