Close

Helper sa 10-wheeler truck pakyas mo-remit wanted sa iyang amo

Sponsor ads


GENERAL SANTOS CITY- GIPANGITA sa usa ka negosyante ang iyang helper sa 10- wheeler truck human nga wala ni-remit sa salapi nga ilang kita sa trucking services.

Sa talaan sa San Isidro PNP nagpatala ang usa ka negosyante ug gisumbong nga ang iyang helper nga nagpangalang Michael Cuandot.

Ang estorya sa driver nga si Raul Somiso sa dihang pabalik na ang truck sa ilang parking area nihapit daw sila sa Diversion road aron mangape apan nananghid ang helper nga mopalit og sigarilyo ug wala na makabalik dala ang salapi nga kapin P27,000 pesos.

Gidugang sa negosyante nga dili na makontak ang iyang helper mao nga nakahukom kini sa pagpatala sa San Isidro PNP ug posibleng pagpasaka og kasong qualified theft.( Ever Diazon)