Close

Hazard pay nga dul-an P50 million pesos aprubado na subay sa kausaban sa ordinansa sa SP GenSan

Sponsor ads


GENERAL SANTOS CITY- NAKA-ANDAM na og dugang pondo ang City Budget Office alang sa hazard pay sa mga empleyado sa LGU-GenSan atol sa enhanced community quarantine kun ECQ status.

Sa kumpirmasyon ni City Budget Officer John Philip Quimosing anaa sa halos P50 million pesos ang supplemental budget alang sa nag-report sa trabaho atol sa ECQ ma-regular man o job order worker sa LGU-GenSan makadawat og tag P500 pesos nga hazard pay.

Ang nahimo nga kausaban sa naunang ordinansa mao nga dili lang kadtong anaa sa health office kondili nalakip na ang tanang nag-report sa trabaho atol sa ECQ.

Gipaklaro ni Quimosing nga susama lang nga P500 pesos ang madawat sa matag usa ug dili basihan ang posisyon sa opisina sa LGU-GenSan, paabuton na lang daw sa mga empleyado ang hazard pay nga gisaad sa mga opisyal.