Close

Halfway house alang sa mga kanhing rebelde sa Sarangani province, tukuron

Sponsor ads


GENERAL SANTOS CITY- MAGSUGOD na ang pagtukod sa halfway house sa probinsya sa Sarangani. Kini human nga giaprobahan niadtong Martes, atol sa regular sesyon sa Sangguniang Panlalawigan ang resolusyon nga mihatag og katungod kang Gov. Steve Chiongbian Solon nga pirmahan ang Deed of Absolute Sale tali sa nanag-iya sa luna nahimutang sa Poblacion, Alabel, Sarangani Province.

Gigahinan og P1.5 million ang maong site sa halfway house nga pagapaliton sa Provincial Government sa Sarangani isip local counterpart, may nauna na nga napatukod nga residential building.

Samtang ang pagpabarog sa mismong halfway house gipondohan og P5 million sa DILG.

Segun ni Lizette Lopez, ang focal person sa Comprehensive Local Integration Program ilalum sa Sulong Kapayapaan, nakita matud pa sa national government ang maayong pagpatuman ug pag-atiman sa lokal nga panggamhanan kauban ang kasundaluhan ug kapulisan ngadto sa nanurender nga mga rebelde, hinungdan aron patindugan og halfway house.