Close

Hagna para sa State College sa Surallah, pirma na lamang ni Pres. Duterte ang kulang

Sponsor ads


KORONADAL CITY - PIRMA na lamang ni Pangulong Duterte ang kulang sa ginaduso nga hagna nga maga-convert sa Surallah National Agricultural School ukon SUNAS bilang isa ka state college.

Sa interview sang Brigada News FM Koronadal kay South Cotabato 2nd District Congressman Atty. Ferdinand Hernandez, ginpahayag sini nga sa madason nga semana, igapadala na sa Malacanang ang kopya sang hagna nagikan sa Senado.

Nagapati si Hernandez nga indi matapos ang Nobyembre, malagdaan na ini ni Pangulong Duterte.

Gindugang pa sang kongresista nga bilang author sang hagna, handum sini nga mangin isa ka unibersidad ang SUNAS nga maga-umpisa anay bilang isa ka state college sa subong sa banwa sang Surallah.

Dako suno pa ini nga bulig sa mga estudyante sa Rehiyon agud makaangkon sang de-kalidad nga edukasyon. (Girlie Narciso-Solis)