Close

HVT sa shabu, nadakpan

Sponsor ads


Nadakpan ang gina konsederang high value target (HVT) nga tulak sa iligal nga droga sa Barangay Luna, Kapalong, Davao del Norte ning milabayng gabii.

Naila ang suspek nga si Haliber Saiyadil, 37 taga Muslim Village, Sasa, Davao City kinsa nasikop sa hiniusang pwersa sa Philippine Drug Enforcement Agency (PDEA) XI, Kapalong PNP ug Regional Mobile Force Batallion.

Atol drug buy-bust operation napalitan matud pa ang suspsek og shabu balor P200,000 gamit ang markado ug boodle money sa otoridad.

Tanggong na karon sa prisohan ang suspek kinsa nag atubang og kasong paglapas sa R.A 9165 o Comprehensive Dangerous Drugs of 2002.

Mag silbi matud pa nga bahad ngadto sa mga nalambigit sa iligal nga droga ang sunod-sunod nga pagka sikop mga HVT sa iligal nga droga sa Davao Region.

Sumala pa sa PDEA-XI nga magpabilin sila naka bantay batok sa mga nasangpit nga mga indibiduwal uban ang laing pang law enforcement agency.

Gipanawagan usab sa PDEA-XI ang katawhan nga mag sumbong sa ilang buhatan batok sa mga nalambigit sa drug paagi sa ilang mga hotline numbers nga 082-222-3045, 0939-543-3405 ug 0933-148-1387.

Kahinumduman nga niadtong milabayng semana nagka sunod nga nadagpam amg top1 ug top2 sa iligal nga droga sa rehiyon onse. BNFM-DAVAO