Close

Gov.Fuentes, uyon nga mupauli sa nasud si Joma alang sa peace talks

Sponsor ads


GENERAL SANTOS CITY- ANGAYAN gayud mupauli sa Pilipinas si CPP founding chair Joma Sison aron motambong sa peace talks ug makita ang iyang mga sakop.

Kini ang panglantaw ni South Cotabato Governor Daisy Avance Fuentes samtang gikatakda ang maong peace talks ning bulana o sunod bulan.

Apan mahimo lamang matud pa nga makabalik sa Pilipinas si Joma Sison kung tangtangon na sa US ang bansagong terrorist sa komunistang grupo.

Samtang gihingusan ni Fuentes kung madayun ang peace talks ug magpatuman og ceasefire, kinahanglang maundang usab ang pagpangrecruit, pagpang-extort og kwarta sa mga rebeldeng NPA ingon man pagpahalapad sa ilang grupo samtang gipahigayon ang peace talks.

Samtang dako gihapon ang pagtuo ni Fuentes sa tumong ni Pangulong Duterte sa pagpadayun sa peace talks aron makab-ot ang kalinaw sa nasud.