Close

GenSan nagpabiling COVID -19 -free

Sponsor ads


GENERAL SANTOS CITY- GIPANIGURO karon sa LGU-GenSan pinaagi sa labaw sa City Health Office nga si Dr. Rochelle Gajete-Oco nga nagpabiling Coronavirus Acute Respiratory Disease o COVID-19- free ang GenSan.

Kini ang gipalig-on usab pinaagi ni DOH-12 Regional Epidemiology head, Dr. Imelda Quinones atol sa “PIA Kapehan Presscon” miaging adlaw, Pebrero 13 sa SM City GenSan.

Gawas niini nagpabilin usab nga COVID -19 free ang SOCCKSARGEN region as February 13, 2020.

Dugang ni Dr. Quinones ang pinakaunang PUI ang migawas nga negatibo sa COVID-19.

Dungan usab niini, giawhag ni Quinones ang katawhan nga mukuha lamang og mga impormasyon gikan sa kasaligan nga sources ug ang pinakamaayong source sa impormasyon ang gikan sa DOH Website kalabot sa maong bag-ong virus.

Una na usab gitino ni infectious disease expert Dr. Lobert Padua nga ang kalimpyo sa palibot, basic hygiene, sanitation ug healthy lifestyle ang pinakamaayong hinagiban batok sa unsa mang infection.