Close

Food allowance sang mga preso sa provincial jail, dugangan

Sponsor ads


KORONADAL CITY - PLANO sang provincial government sang South Cotabato nga dugangan ang pondo sa pagkaon sang mga preso sa South Cotabato Rehabilitation and Detention Center.

Apang ginpaathag ni South Cotabato Provincial Jail Warden Juan Lanzaderas nga wala pa sang kasiguruhan kun pila ang madugang sa food allowance sang mga inmates.

Apang ila suno pa ginaduso ang P40 nga food allowance sa tagsa ka preso tagsa ka adlaw nagikan sa anay P35.

Aminado si Lanzaderas nga mas manubo sa gihapon ini sa P50 tubtub P60 pesos nga food allowance sa mga preso sa iban pa nga detention facilities.

Indi naman suno pa problema ang supply sang bugas bangud nagakaigo ang ila makuha sa National Food Authority (NFA).

Sa subong, masobra sa isa ka libo na ang preso sa provincial jail, tuman ka damo sa kapasidad sini nga 400.