Close

Eaeaki, nabarilan samtang naga pangahoy

Sponsor ads


LEZO, AKLAN — Sangka shooting incident ro natabo kahapon sa Sta. Cruz, Biga-a sa banwa it Lezo.

Ro biktima hay ginkilaea kay Antipolo Ropero 38yo ag residente sa nasambit nga lugar, samtang ro mga suspek nga magmaeanghud hay nakilaea kanday Welmar Zambrona 32yo, sangka army reservist ag Wendell Zambrona 44 yo.

Sa imbestigasyun, samtang naga pangahoy ro biktima sa Sitio Banlok Brgy. Biga-a, nakita kara ro magmaeanghud nga suspek nga sanday Welmar nga armado it armas, ag Wendell nga armado it siyaw.

Dikara ag nagtuhaw ro mainit nga argumento sa magtimbang nga panig hasta sa binaril ni Welmar ro biktima it tatlong beses nga inigu sa kilikili, pero linabo man dayun ku biktima si Welmar sa likod.

Insigida man nga ginpadangat ro biktima ag suspek sa provincial hospital ag ro sambilog nga suspek nga si Wendell hay inaresto ag sa kustodiya eon it Lezo PNP./ ANN DESLENE SALAZAR