Close

Dugang batch sa kapulisan sa Pagadian, gi-deputize sa LTO

Sponsor ads


PAGADIAN CITY - Gi-deputize sa Land Transportation Office (LTO) ang laing batch sa kapulisan dinhi sa dakbayan aron nga muabag kanila sa pag-implementa sa Republic Act 4136 o Land Transportation and Traffic Code sa Pagadian City.

Matud ni Johan Macaumbos, LTO-district chief, ang nahisgutang second batch ang gilangkuban sa siyam ka mga pulis gikan sa local police station.

May kalabutan niini, gipahigayon ang duha ka adlaw nga training alang sa pagpatuman sa balaud, apil ang pagpasabot sa mga sistema ug regulasyon sa trapiko, isip usa ka requirement. Tungod niini mukabat na sa 19 ka mga pulis ang na-deputized sa LTO.

Samtang gibutyag ni Dulawan nga 40-porsiyento sa 491 ka kaso sa physical injuries nga ilang natala sa milabay’ng tuig, ang mugna sa vehicular accidents.

May kalabutan niini, ilaha gayung i-implementa ang tunga sa adlaw nga seminar sa matag-Biyernes alang sa mga motorist nga masakpang nakasupak sa balaud sa trapiko, aron nga makunhuran ang kaso sa vehicular accidents.