Close

Direktiba sa pangulo sa pagbawal sa imnanan sa mga pulis, gisuportahan

Sponsor ads


GENERAL SANTOS CITY- MANAGSAMA ang baruganan nilang Police Supt. Aldrin Gonzales, tigpamaba sa Police Regional Office 12 ug ni Police Senior supt. Raul Supiter, City PNP Director sa GenSan kalabot sa direktiba ni Pangulong Rodrigo Duterte nga did-an ang mga pulis sa pag-inom sa mga bar.

Segun kang Gonzales, dugay na nga kamanduan gikan sa Camp Crame ang maong pagbawal ug husto lang usab nga kini tumanon sa tanan kung dili gustong makasuhan o matangtang sa trabaho.

Dili usab uyon si Supiter nga mag-inom ang mga pulis sa mga bar tungod gawas nga ginabawal kanila, sagad usab nga may mga dili maayong mahitabo kung mahubog na.

Gani mas gusto niini nga dili lang mga pulis, sundalo apan tanang kawani sa gobyerno ang bawalan sa pag-inom sa mga bar, ingon man sa pagsabong sabong.

Mas angayan matud pa nga manginabuhi lang nga simple ug dili na magbisyo.