Close

Delivery boy nga nagtrabaho sa Davao city ug nakauli sa Alabel, padayun nga gi-monitor sa isolation facility

Sponsor ads


GENERAL SANTOS CITY- COVID-19 free pa ang Alabel, Sarangani Province.

Kini ang gibutyag ni Alabel Mayor Vic Paul Salarda luyo nga gihulat pa ang resulta sa swab test nga gipadala sa SPMC sa lalaki nga taga Brgy. Alegria nga delivery boy sa Davao City apan nakauli sa Alabel gamit ang food pass niini isip essential worker.

Matud ni Salarda nga nagpasalamat kini sa tabang sa mga residente nga mitug-an sa ilang barangay ug gipadangat sa munisipyo hangtud nga na-isolate ang maong lalaki sa Sarangani Medical Center kinsa aduna matud pay sip-on.

Dugang sa mayor nga apil ang pamilya sa nahisgutang lalaki ang gi-isolate na sa ilang balay.

Samtang gihisgutan na sa mga opisyal sa Alabel ang pagtakda og mga worker pass kung asa lang taman magamit aron dili mapahimuslan sa uban.