Close

Dakong parte sa Mindanao gilinog

Sponsor ads


GENERAL SANTOS CITY- DAKONG parte sa Mindanao ang gitay-og sa linog butyag sa Philippine Institute of Volcanology and Seismology o Phivolcs human miigo ang magnitude 5.8 nga gikusgon sa linog sa dakong parte sa Davao Del Sur kagahapon sa mga 1:39 sa hapon.

Natala ang epicenter sa linog sa sidlakang bahin sa Governor Generoso sa Davao Del Sur.

Segun sa Phivolcs nabatyagan ang gikusgon sa linog sa Intensity V sa lungsod sa Governor Generoso ug Mati, Davao Oriental.

Intensity IV usab sa lungsod sa Tarragona, Davao Oriental; Davao City; Tagum City ug Panabo City, Davao Del Norte.

Samtang Intensity III usab sa Lebak, Sultan Kudarat; General Santos City; Alabel, Malapatan, Glan ug Kiamba, Sarangani Province; Hinatuan, Surigao Del Sur; Bislig City; Butuan City ug Intensity II sa Santa Cruz, Davao Del Sur; Koronadal City; Magpet & Makilala, North Cotabato; Polomolok, Tupi & Surallah, South Cotabato; Malungon, Sarangani; Kalilangan, Bukidnon; Kidapawan City; Cagayan De Oro City ug Columbio, Sultan Kudarat.

Bisan may gikusgon ang linog apan wala usay natalang nasamdan o nadamyos.