Close

DTI ug Dep-Ed Iligan nagtinabangay sa pag-pahigayon og role playing competition

Sponsor ads


NAGTINABANGAY ang Department of Trade & Industry (DTI) ug Department of Education Iligan City Schools Division (DepEd-Iligan) sa pagpahigayon og role playing competition ngadto sa mga private ug public high school students mahitungod sa digital marketplace.

Gihimo ang maong kalihukan niadtong Oktubre 26, sa Robinsons Place Iligan ubos sa pag-obserbar sa bulan sa Consumer Welfare. Pinaagi sa maong kompetisyon, naipakita sa mga estudyante ang mga talento niini gamit ang bag-ong kahibalo isip maigmatong konsumante lakip na ang pagtubag sa mga isyu ug hagit sa pagpalit sa mga produkto ug serbisyo sa online.

Alayon niini, nakuha sa Iligan City East National High School Sta Felomina ang Championship cash award nga (P15,000); nakuha sa Momungan Academy, Balo-i isip 1ST Placer ang P12,000; ug Kapatagan National High School isip 2nd Placer ang P8,000 nga cash prize. Samtang, nakuha usab sa Suarez National High School ug Salvador High School,Lanao Del Norte ang consolation prizes nga P3,000.