Close

DTI –Sarangani gisiguro nga protektado ang mga kunsumanteng Sarangan

Sponsor ads


GENERAL SANTOS CITY- GISIGURO karon sa Department of Trade and Industry sa probinsya sa Sarangani nga maprotektahan sa kanunay ang interes sa mga kunsumante pinaagi sa hugot nga pag-monitor sa presyo sa mga batakang panaliton, hilabi na nga isyu karon sa tibuok Pilipinas ang “inflation.”

Segun ni Ramon Dosejo Jr., officer-in-charge sa Consumer Protection Division sa DTI-Sarangani, aron masiguro nga saktong presyo ang mapalit ug adunay kadangpan sa mga pagpaklaro ug reklamo ang mga consumidores sa presyo ug kalidad sa mga produkto ug gamit nga ilang mapalit, gituyo matud pa sa ilang opisina nga adunay DTI Negosyo Center ang matukod sa matag munisipyo sa Sarangani, sa pakig-alayon sa opisina ni Gov. Steve Chiongbian Solon.

Apan gibutyag ni Dosejo nga sa kanunay nilang pagpahigayon og mga price monitoring, nakatuman man matud pa ang majority sa mga gapaninda ug mga negosyante sa Sarangani Province sa unsay gilatid sa balaod ug mga advisory.