Close

DCPO malaumon nga masungkit ang best city police office

Sponsor ads


Nagmalaumon ang Davao City Police Office (DCPO) nga mudaog sa isip Best City Police Office sa tibook nasud.

Sa interbyu kang Police Senior Supt. Alexander Tagum hepe sa DCPO gisaysay niini nga "we are doing our very best" hinungdan nga kompiyansa kining dunay maayong resulta sa ilang ginahimong "double effort."

Karong adlawa lamang dunay validating team gikan sa National Headquarters sa Philippine National Police aron sutaon ang performance sa DCPO.

Usa sa gilantaw sa validating team ang Civil Disturbance Management sa DCPO kon asa ilang gipakita ang ilang kahanas sa pag responde kon dunay mahitabong kagubot sa mga dagkong rally ug uban pa.

Gisuroy usab sa validating team ang pipila ka mga police station sa syudad aron sayron kon maayo ba ang ilang pag trabaho.

Ang DCPO nakasulod sa top 3 sa indigay sa Best City Police Office uban ang Iligan City Police Office ug Angeles City Police Office kini alayon sa ika-117 nga anibersaryo sa PNP. BNFM-DAVAO