Close

Community-based disaster response sa kabarangayan sa Rehiyon-10 gihingusgan

Sponsor ads


Gihingusgan sa Office of the Civil Defense, Department of Interior and Local Government ug uban pang ahensya sa gobyerno ang pagpahibalo ngadto sa mga kabarangayan kalabot sa disaster response isip kabahin sa preparasyon kon ugaling dunay masinatiang kalamidad.

Matud ni OCD Northern Mindanao Director Rosauro Arnel Gonzales nga pinaagi sa Community-based Risk Reduction Management, mas masayod ang katawhan kalabot sa mga angay buhaton ug makamugna sa kaugalingong contigency plan arun maluwas ang pamilya gikan sa katalagman.

Gawas niini, nakatutok sab ang otoridad sa disaster prevention ug mitigation arun makunhoran ang mga insidente sa pagbaha ug pagdahili sa yuta nga posibleng mu-angin pa og kinabuhi.