Close

Comelec ginapa-suspender ang proclamation sang nagdaog nga kapitan sa Barangay Sta. Cruz, Koronadal

Sponsor ads


KORONADAL CITY - POSIBLE nga indi maka-pungko ang bag-o gin-elihir nga Barangay Kapitan sang Sta. Cruz, Koronadal City matapos nga ginapa-suspender sang COMELEC Second Division ang proclamation sini.

Nagdaog sa bag-o gid lamang nagtakop nga Barangay kag SK Election si Julius Bignayan sa Sta Cruz.

Anay man ini kapitan sang barangay apang gin-dismiss sang Ombudsman Mindanao sang 2015 matapos napamatbatan nga guilty sa kaso nga falcification of public documents.

Nag-ugat ang kaso sa gina-alegar pagpalsipika ni Bignayan sang minutes sang Barangay Development Council (BDC) meeting sang Abril 2014.

Apang duha ka adlaw matapos ang eleksyon kun sa diin ini nagdaog, nagpaguwa sang kamanduan ang Comelec nga naga-suspendir kay Bignayan sa proclamation sini.

Sa tion naman suno pa nga na-prokalama na, ginabasura man sang Comelec ang epekto sang amo nga proclamation. (Girlie Narciso-Solis)