Close

Col. Lagradante suportado si VP Robredo isip drug czar

Sponsor ads


GENERAL SANTOS CITY- SUPORTADO ni Police Col. Aden Lagradante, City PNP Director sa General Santos City Police Office ang pagdawat ni VP Leni Robredo isip co-chairperson sa Interagency Committee on Anti-Illegal Drugs o ICAD.

Segun ni Lagradante, ang unsa mang mga kausaban sa mga galingkod nga opisyal, sila nga anaa sa ubos ang mutuman lamang.

Sa operasyon batok gidiling druga, padayun nila kining ginahimo ug kung may mga kabag-uhan sa mga estratihiya nga gamiton, andam usab nila kining ipatuman sa ubos.

Wala daw gihapoy kalahian sa ilang ginahimo batok sa war on drugs tungod mao na kini ang kabahin sa ilang trabaho.

Apan gitino nga magpabilin gihapon nga protektahan sa kapulisan ang ilang kaugalingon ugaling may musukol nga drug suspect.