Close

City population nakakita og paglaum sa IEC campaign sa teen pregnancy

Sponsor ads


GENERAL SANTOS CITY- NAGAPADAYON ang pagpalapnag sa impormasyon sa opisina sa City Population may kalabutan sa paglikay sa sayong pagmabdos sa mga kabataan.

Segun ni Population Officer Dr. Washington Loreno kapin 10 na ka sekondaryang tulunghaan ang ilang na adtuan aron magpahigayon og information education campaign sa katibuk-ang 34 ka mga high school sa GenSan.

Subay sa datus sa miaging tuig niabot sa 116 ka kabataan ang namabdos samtang karong tuiga anaa na sa 80 ka kabataan ug ang tumong sa IEC campaign masayod ang kabataan sa dakong risgo sa sayo nga pagmabdos.

Panawagan ni Loreno sa mga nagatungha nga mag-focus sa ilang leksiyon ug dili magpadala sa mga tentasyon.