Close

City PNP director ipatawag sa SP tungod sa mga shooting incidents

Sponsor ads


GENERAL SANTOS CITY- IPATAWAG sa Sangguniang Panlungsod sa adlawng Martes si Police Senior Supt. Raul Supiter, City PNP Director aron magpaklaro sa mga nahitabong pagpamusil patay sa GenSan.

Kini ang gikabutyag ni Kagawad Franklin Gacal Jr., chairperson sa Committee on Peace and Order human naalarma na sa sunod sunod nga insidente sa pagpamusil sa syudad kung asa sulod lamang ning bulana, pito na ang natalang shooting incident.

Buot ni Gacal nga masayran ang mga profile sa mga biktima ug kung unsa na ang gihimo sa kapulisan aron mapugngan ang mga krimen.

Sa inisyal nga imbestigasyon sa kapulisan, kasagaran sa mga biktima ang nalambigit matud pa sa gidiling druga, samtang ang uban bag-ong gawas sa presuhan ug personal grudge.