Close

COVID-19 positive case sa Brgy. Maitum, Sarangani province nagnegatibo sa repeat PCR test

Sponsor ads


GENERAL SANTOS CITY- NAGNEGATIBO sa repeat PCR test ang COVID-19 positive sa Maitum, Sarangani Province.

Kini ang gikumpirma mismo ni Mayor Alexander Bryan Reganit pinaagi usab ni Dr. Arvin Alejandro, provincial health officer sa Sarangani nga ang pasyente ang nagpabilin sa Sarangani Medical Center ug nahuman na ang 14 days quarantine sa nahisgutan ug walay simtomas sa virus.

Nagtuo si Reganit nga posibleng false positive ang unang PCR test sa pasyente human nga duha ka antibody test ang nagnegatibo ug sa repeat test nga gipadala sa DOH, negatibo usab ang resulta.

Luyo niini gibutyag ni Reganit nga sunod semana, ipailalom pa sa laing duha ka test ang pasyente aron makasiguro ayha pa magdeklara nga COVID-19 free ang Sarangani Province.

Nagpasalamat usab si Reganit sa migawas nga resulta sa repeat test sa 73-anyos nga lalaki, asa ang 12 ka direktang nakasalamuha sa nahisgutan nga ilang na-contact tracing ang nagnegatibo usab sa swab test.

Samtang plano usab ni Gov. Steve Chiongbian Solon nga magsumite og research findings aron bawion ang unang datos sa DOH kalabot sa pag-angkon sa Sarangani Province og COVID-19 positive.