Close

COMELEC, gaatang sa mga mukandidato sa COC filing

Sponsor ads


DAW susama lang sa regular nga adlaw nga ting-opisina ang scenario sa COMELEC sa Zamboanga del Sur.

Kini ang obserbasyun kagahapon sa pagbisita sa Brigada News Team sa duha ka buhatan sa COMELEC sa Pagadian City ug Zamboanga del Sur Provincial Office.

Sumala ni Atty. Elis Miguel, ang provincial Comelec officer, daan na nila kining gilauman tungod mao gayud kini ang estilo sa mga kandidato nga sa ultima-ora na mupasa sa ilang COC.

Dugang pa ni Atty. Miguel nga lauman na nila nga sa sunod semana sa adlaw’ng Lunes, petsa 15 hangtud sa petsa 17 sa katapusang adlaw, mudagsa na ang mga kandidato.

Samtang gipasabot ni Atty. Miguel sa tanan nga giusab na nila ang patakaran sa oras sa last day sa filing, diin kaniadto naandan nga kon katapusan nga adlaw, hangtud sa 11:59 ang ilang pagdawat, apan karon, taman na lang gayud sa alas-singko sa hapon ug wala nay extension.

Gipahimangnuan niini ang mga mukandidato nga mupasa na og mga dokumento sa sayong panahon aron nga dili makasenati og makaproblema.

Samtang gipaklaro niini nga sa Pebrero 10, 2019 pa magsugod sa campaign period sa national candidate, dungan sa pagsugod sa gun ban.