Close

CDRRMO, padayon ang monitoring sa epekto sa pag-ulan

Sponsor ads


Padayon ang gihimong monitoring karon sa mga personahe sa City Disaster Risk Reduction and Management Office kon CDRRMO ning syudad sa Butuan sa epekto sa padayong pag-ulan ulan nga nasinatian ning rehiyon.

Sa pakighinabi sa Brigada News FM Butuan, gibutyag ni May Diez, information officer sa Butuan City Hall, nga ila nang gimonitor ang nagkadaiyang lugar ning syudad hilabi na kadtong delikado panahon sa ting-ulan.

Apan giklaro niini nga bisan paman sa dili maayong panahon nga nasinatian, anaa pa sa normal nga level ug wala pa kaayo kini nakaapekto sa mga katawhan ning syudad. Sigon niini nga under control pa ang tanan ug wala pa gikinahanglana ang pagdeklara ug suspensyon sa klase.

Gani, nagpadayon paman ang ilang Business One Stop Shop kon BOSS nga nagsugod niadtong Enero 3 ug mahuman sa Enero 20.

Alang matud pa kini sa mga business registrants nga buot magpa-rehistro o magpa-renew sa ilang mga negosyo.

Hinuon, giklaro niini nga mamahimo pa gihapon nga magparehistro ug magpa-renew ang mga business registrants human sa Enero 20 apan aduna na kini multa nga 25% nga surcharge.