Close

Brigada subling mang-apod apod og pack lunch sa mga frontliners sa COVID-19 sa GenSan

Sponsor ads


GENERAL SANTOS CITY-SUBLING mang-apod apod ang Brigada og mga pack lunch alang sa mga frontliners sa COVID-19 sa GenSan.

Sugdan kini mga bandang mga alas 10 sa buntag ang pagpanghatag sa pack lunch nga giandam ug giluto sa taga The Rock Garden.

Sa pag-andam sa pack lunch, gawas sa social distancing, giandam nga nasubay sa hustong proseso ang pagkaon sama sa mga personahe nga gasul-ob og protective personal equipment.

Pangunahan sa mga personahe sa Brigada Group of Companies labi na sa KaBrigada foundation ang maong pack lunch distribution.

Kini ipanghatag sa mga checkpoints sa Brgy. Lagao, Katangawan ingon man sa Calumpang.

Anaa usab ipanghatag sa mga checkpoints nga gimuntar sa Brgy. San Isidro, Fatima, Baluan, City Heights, Labangal, ug sa sentrong bahin sa syudad sa Brgy. North, South, West ug East.

Kabahin kini sa pagsuporta sa Brigada sa pagsakripisyo sa mga frontliners aron mapugngan ang pagkatag sa COVID-19 sa GenSan nga karon nagpabilin pa nga COVID-19-free.