Close

Body cameras itunol sa MisOr lgu ngadto sa pnp isip likay sa pagduda sa mga police operation

Sponsor ads


Gilaraw nga itunol na karung tuiga sa kagamhanang lokal sa Misamis Oriental ang mga body cameras ngadto sa Misamis Oriental Provincial Police Office. Kini sa tinguha nga madokumento ug malikayan ang mga pagduda matag mulusad sa police operation sa lalawigan.

Matud ni Gobernador Bambi Emano nga dunay minimum nga usa ka body camera sa matag 23 ka lungsod ug duha ka syudad sa lalawigan diin kuhaon ang pondo niini sa Provincial Peace and Order Council. Lakip sab nga makabenepisyo niini ang Philippine Drug Enforcement Agency ug uban pang special units.

Gipasabot sab sa gobernador nga dili niya buot manghilabot sa mga operasyon sa PNP ilabi na sa kampanya batok sa iligal nga droga, apan andam siya nga mutunol sa ayuda ug dugang suporta. -END-