Close

Balay sa supporter sa midaug nga kapitan gisunog human nakulatahan

Sponsor ads


Mihilak sa kaguol ang usa ka supporter ni incoming Bulatok captain Eddie Gallega gumikan wala na matud pa silay kapuy-an human gisunog ang ilang balay didto sa Purok Malambuon.

Sa pakighinabi sa Brigada-Pagadian, gibutyag ni Jay Salabron nga gituyo gayud sa pagsunog ang iyang balay tungod kaniadtong Mayo 12, gikulata kini sa usa ka tawo nga gihinganlan niining Garry. Gipahimangnuan matud pa kini nga dili musuprta kay Eddie Gallega aron nga aduna pa siya balay nga kaulian.

Matud ni Salabron, wala siya nagpa-blotter gilayon tungod dili siya gusto nga mapagan ang eleksiyon kaniadtong mayo 14.

Samtang iyaha pang mabatyagan ang kasakit sa iyang walang kilid nga gisumbag sa responsable.

Si Salabron, kauban ang iyang asawa ug mga anak, didto temporaryong gapuyo kang Gallega kinsa mitabang usab kaniya sa pinansiyal nga panginahanglanon.

Kanhing priso nga gipasikop sa kapitan sa alegasyong nagdala-dala ug armas

Gipamahayag ni Tuburan Captain Raymundo Albiar nga posibleng nakit-an sa mga tawo nga matinu-danon siya sa iyang serbisyo sa baranggay hinungdan nga subli siyang midaug sa pagka-kapitan.. Gibutyag pa niini nga bisan sa mga pagpang-harass kaniya, apan wala gihapon nagmalampuson ang mga tawonga buot muguba kaniya.

Samtang gikataw-an lamang niini ang sayop nga balita nga matud pa, gi-raid kini sa mga otoridad.. Gipaklaro ni Kapitan Albiar, nga giadtuan ang iyang balay ug walo ka mga riders ug ilang na-corner ang usa, ug iyang gidala sa presinto sa kapulisan tungod adunay armas.

Giila ang dinakpan nga si Catalino Cantil Abangan, Sr., 47-anyos, ug taga-Purok Pagatpat -Dos, Brgy. Santa Lucia, Pagadian City.

Matud ni Capt. Albiar nga usa ka bulan pa lang human makagawas sa prisuhan si Abangan. Nakuha gikan kaniya ang Calibre 45 nga pistola nga dunay unom ka mga buhing bala.