Close

Bakwits, mahimo na makabalik matapos ang engkwentro sa Datu Paglas, Maguindanao

Sponsor ads


KORONADAL CITY - MAHIMO na nga makabalik ang yara sa 500 ka mga residente nga nagbalakwit nagikan sa Datu Paglas, Maguindanao bangud sa engkwentro sa tunga sang militar kag IS-inspired BIFF group.

Sa interview sang Brigada News FM Koronadal kay Lt. Col. Harold Cabunoc, commanding officer sang 33rd Infantry Battalion sang Philippine Army, ginpahayag sini nga ginhand-over na nila sa local government ang ginluntaran sang engkwentro matapos ang ila ginpatigayon nga clearning operation.

Sa ginpatigayon nga clearing operation, didto nakit-an ang 10 ka mga puluy-an nga partially damage bangud sa engkwentro.

May narekober man suno pa sila nga unexplode ordnance nga gilayon naman gin-disrupt sang EOD team.

Ginpahayag man ni Cabunoc nga apisar cleared na ang area, may gindeploy sa gihapon sila nga tropa sa lugar nga amo ang maga-monitor sang sitwasyon. (Girlie Narciso-Solis)