Close

Bag-ong transaksyon sa illegal drugs, gamit ang pera padala nabisto sa kapulisan; 2 suspek dakpan

Sponsor ads


GENERAL SANTOS CITY- BISTADO na sa kapulisan ang bag-ong modus sa transaksyon sa gidiling druga asa ang bayad pinaagi na sa money transfer o pera padala.

Kini human madakpan niadtong weekend sa AOR sa Tinagacan police station ang duha ka suspek sa gidiling druga.

Segun pa kang Police Captain Robert Fores, Chief of police sa Tinagacan PNP nga mokabat sa P753,000 ang sumada sa kwarta subay sa resibo nga nakuha gikan sa usa sa mga suspek, nga gituohang bayad sa gidiling druga.

Ang mga druga matud pa naggikan sa Dalican sa Maguindanao nga ginadala sa GenSan sakay sa girentahan nga sakyanan.

Tungod sa pagkakumpiska sa dakong kantidad sa shabu sa purok 3, Brgy. Katangawan, lagmit daw nga mawala na ang pagka-drug free sa maong barangay.