Close

Awareness symposium vs kriminalidad ug iligal nga droga, gipatigayun

Sponsor ads


Nagpatigayun og awareness lecture mahitungod sa R.A. 9262 (anti-violence against women and their children), RA 7610(Protection against child abuse, exploitation and discrimination) ug Drug Symposium ang mga personahe sa Mlang PNP alang sa mga estudyante sa New Rizal High School sa M'lang North Cotabato.

Tumong sa nasangpit nga symposium nga matudluan ang mga estudyante nga mahibal-an ang ilang mga katungod isip usa ka tawo.

Pinaagi sab niini, mamahimung matun-an sa mga kabatan-unan kung pano makatabang o makahimu’g lakang arung batukan ang kriminalidad, terorismo ug iligal nga droga sa maong lunsod.

Ilabi na nga karung tuiga, mahinumdumang nisaka ang kaso sa rape sa nasangpit nga lunsod kun asa kadaghanan sa mga natalang rape cases, relatives gihapon sa biktima ang mga suspek, sama sa ig-agaw o amahan.

Mahinumduman sab nga usahay nang giplanuhang pabusikaran og bomba ang maong lunsod sa dihang wala madayun tungod sa mga concerned citizen nga alerto sab manumbong sa otoridad.

Ug dakong pasalamat sab sa pulisya sa mga inisyatibo sa mga tawo nga makatabang sa pagpalig-on sa siguridad sa nasangpit nga lugar.