Close

Aplikasyon sa Poker club gihisgutan sa konseho sa GenSan

Sponsor ads


GENERAL SANTOS CITY- GIPA-APRUBAHAN sa chairperson sa Committee on Games and Amusement ang resolusyon alang sa pag-aproba sa aplikasyon sa poker club sa GenSan.

Atol sa ika-10 nga regular session gihisgutan sa mga kagawad ang ang SP resolution 00156 ang aplikasyon sa GenSan Poker and Sportsclub nga gitugotan sa Philippine and Amusement Game kun PAGCOR apan nagkinahanglan og concurrence gikan sa konseho bag-o makasugod sa padula.

Ang pwesto sa poker club sa usa ka hotel sa national highway sakop sa Barangay Lagao.

Sumala kay Kagawad Rosalita Nuñez dapat may regulasyon sa poker basin daghan ang ma-adik sa sugal ug mahimong problema sa syudad.

Butyag usab ni Kagawad Lourdes Casabuena dapat dili pasudlon ang mga kabataan sa sugalan ug sumala kay Kagawad Van Dyke Congson dili dapat pasobrahan ang ihap sa pasugalan sa GenSan.

Gitubag ni Gacal ang tanang concern sa kaubanan ug giklaro nga may regulasyon ang PAGCOR nga dapat sundon sa mga operator sa poker.