Close

Aklanon Army Scout Ranger nga napatay sa engkwentru sa Mindanao, naiuli eon iya sa Aklan

Sponsor ads


KALIBO, AKLAN — Emosyunal nga ginsug-aeaw it pamilya ni 2Lt. Junibert Zonio ro bangkay kara nga nag abot ku Dominggo it udtro-adlaw sa Kalibo International Airport.

Sa eksklusibong pag-cover it Brigada News FM Kalibo, sakay it eroplano it Philippine AirForce ro bangkay ni 2Lt. Zonio nga ginsug-aeaw man it bilog nga pwersa it 12th Infantry Battalion Philippine Army.

Nasayuran nga pauli eon ro tropa it Philippine Army 2nd Mechanized Infantry Battalion nanday Zonio ku Hulyo 4 kat tambangan it mga rebeldeng Muslim nga Bangsamoro Islamic Freedom Fighters o BIFF sa Shariff Saydona Mustapha sa Maguindanao.

Si 2Lt. Zonio hay tubong Alfonso 12 sa banwa it Libacao, Aklan ag may limang buean pa eamang nga nadestino sa Mindanao./ ANN DESLENE SALAZAR