Close

ASEC Pangilinan, nakadayeg sa Sarangani tungod sa pag-ila sa tingog sa mga kabataan

Sponsor ads


GENERAL SANTOS CITY- GIDAYEG karon ni Assistant Secretary Paul Anthony Pangilinan, commissioner-at-large sa National Youth Commission ang pag-ila sa tingog sa mga kabatan-unan pinaagi sa liderato ni Gov. Steve Chiongbian Solon.

Segun ni ASEC Pangilinan atol sa tulo ka adlaw nga Mindanao-wide Youth Conference for Climate Change sa Kiamba nga gipasalamatan nila ang bug-os nga suporta sa gobernador sa ilang kalihukan nga makahatag inspirasyon ug matabangan mapasabot ang mga kabataan sa ilang dakong papel sa mga giatubang nga problema sama sa climate change.

Pinaagi sa Sulong Kabataan program, nabati sa mga nahisgutan ang ayuda sa lokal nga panggamhanan apil na sa pag-amping sa kinaiyahan.

Nasayran nga gatusan ka mga environmental youth leaders tibuok Mindanao ang nitambong sa maong Conference of Youth, Youth in Climate Change Action natigayon mismo sulod sa sikat na nga Princess del Leonor Hotel Resort and Convention Center sa may Barangay Kayupo, Kiamba, Sarangani Province.