Close

95 ka pamilya nakadawat og grocery ug bugas gikan sa Brigada

Sponsor ads


GENERAL SANTOS CITY- GIKALIPAY sa 95 ka pamilya sa Riverside, Brgy. Sinawal, GenSan ang nadawat nga grocery ug tulo ka kilo nga bugas, kagahapong adlawa gikan sa Brigada Group of Companies.

Ang maong mga groceries ug bugas ang isip dalit sa mga lumulupyo isip pagpasalamat sa Brigada sa padayung grasya nga nadawat luyo sa pandemya.

Inubanan sa kapitan sa barangay captain nga si Kapitan Rodolfo Lozano ug mga opisyal sa barangay sa Sinawal ang maong gift giving alas 10 sa buntag kauban sa mga personahe usab sa Brigada Group of Companies.

Hugot usab nagpasalamat ang mga katawhan sa maong lugar sa hinabang nga nadawat asa ang uban, mga bata na lang ang midawat human nga nagatrabaho.

Nagpuyo ang mga nahisgutan sa kilid sa bukid ug may sapa ang area nga peligroso ugaling may pagbundak sa ulan.