Close

8-K indigent senior citizens, nakadawat ug social pension

Sponsor ads


KIDAPAWAN CITY – Gidalit ni City Mayor Joseph Evangelista ang sayong pinaskuhan alang sa 8 mil ka mga Indigent Senior Citizens sa dakbayan alang sa ulahing quarter karong tuiga.

.
Sugud sa bulan sa Nobyembre o Desyembre nakatakdang ipang apod- apod ang hinabang alang sa mga katigulangan gikan sa buhatan sa DSWD kaabag ang LGU Kidapawan sa matag barangay Mismong ang mga personahe sa City Hall ug DSWD ang muadto sa mga panimalay ug mutunol sa ilang Social Pension aron dili na matud pa malisdan ang mga Senior Citizens sa 40 ka barangay sa siyudad.

Sigun pa ni City mayor Evangelista nga ang katigulangan maoy haligi sa dakbayan

hinungdan nga angayang ampingan. Kahibaluan nga mukabat sa P1,500 o P500 matag bulan sugud sa buwan sa Oktubre –hangtod Disyembre 2018 ang nakatakdang dawaton sa matag indigent senior citizen.

Gawas sa maong hinabang nanghatag usab ang Mayor ug crutches o baston nga adunay kalakip nga pa-raffle alang sa mga senior citizens isip ayuda ug regalo alayon sa kasaulugan Elderly Week. ANN RABINA MAYORMITA