Close

7 mananagat, nasikop tungod sa illegal fishing

Sponsor ads


NASIKOP sa mga otoridad sa municipal waters sa Naga, Zamboanga Sibugay ang pito ka mga mananagat tungod sa illegal fishing.

Matud ni Chief Inspector Helen Galvez, Police Regional Office-Zamboanga Peninsula information officer, giila ang naasoy’ng mga mananagat nga sila si Romie Pamado, 45-anyos; Leo Bacatan, 52-anyos; Anijemar Carpio, 31-anyos; Loli Sumbisi, 45-anyos; Felipe Perocho; Debster Llido, 20-anyos; ug Sadil Sip-ingay, 18-anyos.

Matud ni Galvez, gapahigayon og seaborne patrol ang kapulisna ug militar sa dihang ilang nakit-an ang mga mananagat nga gasakay sa F/B Kaye Jean nga gahimo og illegal fishing. Ang mga dinakpan, mag-atubang og kasong pagsupak sa RA- 8550 as amended by R.A. 10654, o “An act to prevent, deter and eliminate illegal, unreported and unregulated fishing.”

Nakumpiska gikan sa mga mananagat ang motorboat ug fishnet nga nagkantidad og 60-mil ka pesos. Giturn-over sila sa police headquarters sa Naga, Zamboanga Sibugay alang sa hustong disposasyon.