Close

7 NPA member, misurender na usab sa militar sa Agusan del Sur

Sponsor ads


LAING sakop na usab sa Guerilla Front Committee 14 sa North Eastern Mindanao Regional Command sa teroristang New People’s Army ang misurender sa militar.

Giila ang mga kanhi NPA nga sila alyas Nini, alyas Pitong, alyas Bal, alyas Cesar, alyas Barako, alyas Rene ug alyas Kamandag nga parehong residente sa Sitio Cosep, Barangay Bayugan 3, Rosario, Agusan Del Sur.

Dala sa ilang pagsurender ang .38 nga revolver, isa ka improvised shot gun ug 3 ka improvised .22 caliber rifle.

Angayan masayran nga sulod lamang sa duha ka adlaw muabot na sa onse ka indibidwal nga mga sakop Guerilla Front 14 ang mibalik sa sabakan sa gobyerno.

Kasamtangan gihikay na usab ang ilang cash assistance nga dawaton sa gobyerno pinaagi sa Enhance-Comprehensive and Local Integration Program.