Close

5-anyos, ginlugos na, ginpatay pa

Sponsor ads


KORONADAL CITY - Patay na kag ginapatihan ginlugos pa ang isa ka bata nga babaye, sang nasapwan ini sa creek, sa Barangay Poblacion, Tampakan, South Cotabato, pasado alas-9:00, Dominggo sang gab-i.

Ginkilala ni Senior Insp. Rafael Banggay, hepe sang Tampakan PNP, ang suspek sa krimen nga si Sandro Ugdamen nga nagpalagyo matapos ang insidente.

Kaingod suno pa sa puluy-an sang biktima ang suspek.

Sa imbestigasyon sang Tampakan PNP, ginhagad sang suspek ang tiyo nga nagabantay sa biktima nga mag-inum-inum.

Sang nahubog, gin-into suno pa sang suspek ang bata tubtub nga nadala niya ini sa creek kag ginapatihan ginhimuslan.

Wasak ang bahin sang ulo sang bata nga suno kay Banggay, posible ginlampusan sang bato.

Sa subong, ginpaidalom na sa otopsiya ang bangkay sang bata nga maga-birthday pa kuntani sa Hunyo 16.