Close

4 rebelde nag-surrender uban sa ilang mga armas

Sponsor ads


Gipang-surrender ang ubay-ubay ka mga gamit pang giyera nga iya matud pa sa grupo sa New People’s Army (NPA) sa Paquibato District, Davao City.

Ang upat nga miyembro sa Militia ng Bayan (MB) ubos sa NPA nagsurender ngadto sa 16th Infantry Battalion (16IB) sa 2nd Infantry Division sa Philippine Army.

Uban sa ilang pagtahan sa 16IB ang pagtugyan usab sa ubay-ubay ka mga gamit pang giyera nga gilangkuban sa 30 ka anti-personnel improvised explosive devices (IEDs), upat ka .38 revolver nga dunay mga bala, ug 17 ka two-way commercial radio.
Rason sa pagsurender sa mga nasangpit nga rebelde nga buot na nilang manginabuhi nga malinawon uban ang ilang pamilya ug wala nay pulos ang ilang gipakigbisugan sa bukid.

Sa pikas bahin usa usab ka sibilyan ang mitudlo sa nahimutangan sa cal .30 Sniper rifle nga iya matud pa sa mga rebelde sa Barangay Mapula, Paquibato District ning dakbayan.

Subay pa ni Ltc. Darren Comia ang Commander sa 16IB nga ang nagapadayong Community Support Program sa army ang usa sa nahimong hinungdan sa pag surender sa mga nasangpit ingon man sa programa sa Local Government Unit sa Davao City nga mao ang Peace 911. BNFM-Davao