Close

4 patay sa sunog sa Maguindanao

Sponsor ads


Upat ka tawo ang namatay sa sunog alas-2:27 kaganihang kaadlawon didto sa Maguindanao.

Giila ang mga namatay nga sila si Demos Araneta, Mujahidden Araneta, Dina Araneta ug Dagol Araneta, pulos residente sa Brgy. Katuli, Sultan Kudarat, Maguindanao.

Matud sa talaan sa Bureau of Fire Protection (BFP)-Sultan Kudarat, kalit lang nga midilaab sa kalayo ang balay sa mga biktima ug mikatag sa tulo ka mga balay.

Gilayong miresponde ang mga bombero apan hingpit gayud nga naugdaw sa sunog ang upat ka nga balay nga ginama sa kahoy o light materials.

Nakaplagan sa mga otoridad ang paig nga patay’ng lawas sa sulod mismo sa sulod sa balay.

Sa kasamtangan, nagpadayon ang imbestigasyon sa BFP-Sultan Kudarat sa panghitabo.