Close

4 patay sa road accident sa Agusan del Sur

Sponsor ads


TRENTO, AGUSAN DEL SUR - Patay ang upat ka mga sakay sa motorsiklo human nakasugat ug disgrasya sa dalan bandang alas 11:40 kagabie sa may National Hi-Way Crossing Cuevas Brgy. Cuevas,Trento ning probinsya.

Ang mga biktimang patay nga sakay sa motorsiklo naila nga sila Marvin Isabel Bergado, nagmaneho sa motorsiklo 19 anyos ulitawo residente sa P-3 Sta. Isabel, Sta Josefa ADS, ang mga Back Riders nga sila Richard Relien Lugo, 21 anyos, ulitawo nagpuyo sa P-7 Brgy. Patrocenio, Sta Josefa, ADS, Richard Pacio, ulitawo, 19 anyos, residente sa P-3, Brgy. Pulang Lupa, Trento, ADS og Juliet Delima, 16 anyos dalaga, residente sa P-1 Brgy. Pulang Lupa, Trento sakop ning probinsya.

Sa paghinabi sa Brigada News FM Agusan Del Sur kang Ed Fergus Estrella Barro, 28 anyos, nagmaneho sa Hilux nga sakyanan kinsa mao ang nakasugat sa motorsiklo nga gisakyan sa mga biktima nga samtang siya paingon sa sentrong bahin sa lungsod kalit nalang mi Overtake sa usa ka 10 Wheeler Truck ang motorsiklo og didto misulay pa siya pag likay sa motorsiklo apan walay swerti didto kini midasmag sa atubangan nga bahin sa iyang sakyanan.

Nakit-an na lamang niini pagawas sa ilang sakyanan ang mga biktima nga nakadugo og wala na’y mga paniomoot, kinsa gideklarang Dead on the Spot samtang si Marvin usa sa mga biktima nadala pa sa dool balay tambalanan apan pipila ka mga minutos gideklarang patay sa mga mananambal.

Daling mitahan ang driver nga si Barro sa Trento MPS aron tubagon ang disgrasya nga iyang gikalambigitan, sa kasamtangan ang mga patay nga lawas sa biktima anaa sa nagkadaiya nga purenarya sa maong lungsod. BNFM-AGUSAN