Close

4 container vans gihimong isolation facility

Sponsor ads


GENERAL SANTOS CITY- GIHIMO nga dugang isolation facilities sa GenSan ang upat ka container vans.

Matud ni Acting City Engineer Emerald Signar, giayo sa ilang buhatan shipping container vans ug gihimong isolation facility.

Gibutyag niini, ang duha ka container vans himuon nga nurse stations nga pwedeng mapahulayan sa mga nars nga nag-asikaso sa mga COVID-19 patients og ang duha usab alang sa City Health Office nga maoy nagdala og gakuha sa mga pasyente nga posibleng natakbuyan sa virus.

Sa pamahayag sa nasampit nga magdugang pa og unom nga container vans ang CHO alang sa ipahigayong isolation facility.

Kahibaloan nga mokabat na sa gatusan ka mga Locally Stranded Individuals (LSI) ang naa karon sa siyudad ug nagpadayon sa kwarantinas. ( Rich Gubalani)