Close

320 brgy sa Region 12, gindeklarar nga areas of immediate concern

Sponsor ads


KORONADAL CITY - NAGLAB-OT sa 320 ka mga barangay sa bug-os nga Rehiyon-12 ang ginpaidalom sa areas of immediate concern may kaangtanan sa nagahilapit nga Barangay kag Sangguniang Kabataan (SK) Elections.

Sa interview sang Brigada News FM Koronadal kay Chief Supt. Marcelo Morales, regional director sang Police Regional Office (PRO) - 12, mga lugar ini nga may mainit nga political rivalry ukon may presensiya sang mga armado nga grupo.

Ginpasiguro naman ni Marcelo nga handa na ang mga kapulisan upod ang mga suldalo sa ila sini deployment sa amo nga mga lugar sa mismo adlaw sang eleksyon.

Gina-awhag man sini ang publiko nga mangin vigilante kag gilayon nga i-report sa mga kapulisan ang mamutikan nga mga iregularidad ukon makaduluda nga mga tawo ukon butang agud gilayon nga ma-aksyunan. (Girlie Narciso-Solis)