Close

300 mangunguma, makabenipisyo sa P14-M nga small scale irrigation project

Sponsor ads


KORONADAL CITY - MASOBRA sa 300 ka mga farmer beneficiaries sa South Cotabato ang makapulos sa duha ka mga small scale irrigation project (SSIP) nga nagakantidad sang P14 million.

Suno sa Office of the Provincial Agriculture (OPAG) gintukod ang amo nga proyekto sa mga banwa sang Surallah kag Lake Sebu.

Sa banwa sang Surallah, makit-an ang proyekto sa Sitio Liwanay matapos ginhatag ang proyekto sa Naci Small Water Irrigation System Association.

Natalana matapos ang proyekto sa Hulyo nga ginsuguran sang Enero. Yara sa 150 ka mga benipisyaryo sa lugar ang natalana makapulos sini.

Sa Lake Sebu naman, makit-an ini sa Purok Malipayon sa Barangay Lake Lahit.

Nagakantidad naman ini sang P5 million kag makahatag sang benipisyo sa masobra 50 ka mga mangunguma.

Natalana naman ini nga matapos, Disyembre sini nga tuig.

Magluwas sini, ginatun-an man sang OPAG ang pagbutang sang proyekto sa mga malayo nga barangay kasubong sang Barangay Lamcadi kag Lamdalag sa Lake Sebu.