Close

30-K sakong nfa rice gi-order sa gobernador

Sponsor ads


NORTH COTABATO- GI-APROBAHAN na sa NFA Central Office ang 30,000 ka sakong NFA Rice kon bugas nga gi-order ni North Cotabato Governor Emmylou “Lala” Taliño Mendoza alang sa programang gitawag og “YEAR-END RELIEF OPERATION” nga gikatakdang ipatuman sa kinatibuk-ang probinsiya sa North Cotabato.

Sumala sa dokumento nga eksklusibong nahuptan sa Brigada News FM- Kidapawan, gi-order sa gobernadora ang nahisgotang gidaghanon sa NFA Rice niadto pang Septembre 26, 2018, alang sa naasoy nga programa nga gikatakdang pagasugdan karong umaabot nga Oktubre 15, 2018 ug matapos sa Nobyembre 23, 2018.

Tubag matud pa kini sa panginahanglanon sa pagka-on sa katawhan nga nagpabiling apektado sa lain-laing matang sa mga kalamidad nga nahitabo sa probinsiya.

Subay sa nakahan-ay nga programa mokabat gayud sa 300,000 ka pamilya gikan sa 544 ka mga Barangay sa kinatibuk-ang probinsiya ang ang puntarya nga maka-benepisyo sa nahisgotang year-end relief operations.

Sa naasoy nga gidaghanon sa bugas, tag- 5 lamang ka kilong NFA Rice ang mapasigo-an niini matag-pamilya ug ihatag unya kini pinaagi sa gihan-ay nga eskdyul kada-lungsod. (Rem C. Agdon)