Close

3 ka lalaki nga gidudahang tulak dakpan sa buybust operation

Sponsor ads


GENERAL SANTOS CITY- DAKPAN sa buybust operation ang tulo ka mga lalaki sa area sa Brgy. Katangawan, Brgy. West ug Brgy. Conel.

Sa Brgy. Katangawan nadakpan si Joel Jacinto alias Joel, 44-anyos, adunay live-in partner, usa ka panday ug nagpuyo sa purok 8, Brgy. Katangawan.

Sa report sa Lagao police station, nakuhaan kini og usa ka putos sa gidudahang shabu ug ang P500 nga buybust money.

Sa Brgy. West nadakpan sa Pendatun PNP si Jessie Rey Escobar Bagatela, 44-anyos nga taga Doña Soledad, Brgy. Labangal.

Sa record sa presinto uno nagmalampuson ang poseur buyer sa pagpalit og shabu gikan sa suspek mao nga gidakop kini ug gidala sa presinto.

Samtang sa San Isidro PNP dakpan usab si Julius Apao,19-anyos, labor ug taga Brgy. Conel, malampuson nga nahimo sa kapulisan ang buybust pasado alas otso sa gabei.

Sa talaan sa pulis ilang nakuha ang tulo ka putos sa gidudahang shabu, ang salapi nga gigamit ug usa ka XRM nga motorsiklo nga gisakyan sa suspek.

Sa karon ang mga ebidensya gi-submit nga sa crimelab aron makasuhan na ang tulo ka dinakpan kalabot sa RA 9165. ( Ever Diazon)