Close

294 ka ektaryang kayutaan sa GenSan mamahimo na nga residential area

Sponsor ads


GENERAL SANTOS CITY- GI-APRUBAHAN sa Sangguniang Panlungsod ang pito ka mga ordinansa nga naga- reclassify sa inektaryang kayutaan aron mahimong puy-anan sa mga katawhan sa syudad.

Atol sa ika-57e nga regular session giduso sa author nga si Kagawad Rosalita Nuñez ang mga ordinansa sa pag-usab sa klasipikasyon sa yuta gikan sa agricultural ngadto na sa residential area ug walay nisupak nga konsehal.

Ang mga items nga gi-aprubahan sa ikaduhang pagbasa ang mga mosunod, una sa barangay Mabuhay ang 36 ektaryas gikan sa agricultural fisheries development zone ngadto sa residential, ikaduha ang 228 ektaryas.

Ikatulo ug ikaupat sa barangay Ktangawan, 10.6 ka ektarya ug 5.9 ka ektarya, ikalima sa barangay Batomelong nga 20.2 ka ektarya, ika unom sa barangay Baluan ang 15.8 ektarya ug laing 3.8 ka ektarya.

Sumala kay Nuñez nga aprubado sa local zoning review committee ang nahisgutang re-classification bag-o gisaka sa Sanggunian.
Niuyon usab ang mga konsehal sa maong mga ordinansa aron may kabutangan sa mga anaa sa informal sectors sa GenSan.

Sumala sa labaw sa komitiba sa pamalaud nga si Kagawad Atty. Jose Edmar Yumang, puno na ang barangay San Isidro og mga subdivision mao nga kinahanglan mopasaka na ang kalambuan sa GenSan sa mas luag pa nga mga barangay sama sa barangay Mabuhay. ( Ever Diazon)