Close

2 wanted sunod-sunod nga nasikop

Sponsor ads


DUHA ka pinangita sa balaud ang sunod-sunod nga nasikop sa kapulisan sa milabay’ng adlaw.

Nagpahigayon og joint operation ang PNP-Pagadian ubos sa mando ni Police/Supt. Alvin Saguban ug PNP Sapad, Lanao del Norte sa pagpanguna usab ni Police Sr/Insp. Esmerado Labi, hepe sa maong dapit.

Miresulta kini sa pagkasikop sa usa ka Dora Pamusuan Acmad, 53-anyos, minyo ug taga-Barangay Tawagan Sur, Pagadian City, kinsa nag-atubang og kasong murder.

Aduna kini warrant of arrest nga gi-issue ni Hon. Judge Alberto P. Quinto, presiding judge sa regional trial court-12th judicial region, branch-21 Kapatagan, Lanao del Norte, kanaidtong Enero 24, 2014.

Walay piyansa nga girekomenda ang korte korte alang kang Acmad. Samtang laing wanted ang nadakpan nga giilang si Jhon Adja Sampillo Hassan, Alyas Jan Hassan Adja, 18-anyos ug taga-Purok Alindahaw , Lumbia District, Pagadian City.

Aduna kiniy warrant of arrest tungod sa pagsupak sa R.A.-7610, section-10 (a) nga gi-issue ni Hon. Judge Analyn Ramas Costanilla, presiding judge sa 9th judicial Region, Pagadian City. Ang maong mga dinakpan, balhug sa lock-up cell sa PNP-Pagadian.